1. |
Eenzaamheid
05:06
|
|||
Eenzaamheid, ik ken d'r alles van
Eenzaamheid, ik ben nen expert
Mijn voader en mijn moeder, mijn moaten en mijn gebuurs
Allemoale eenzaam, allemoal alleene
't E nie veur te lachen en ge weet da'k et meene
Want we zin d'r in getraind, het ès bekend terrein
Joaren aan een stèk, de miserie van het zijn
't Doe zeer an mijn 'oofd en zeer an mijn èrte
Ik zoek het geluk, schrijfde gij mij een offerte?
Moar het mag nie vele kosten, ge weet: ik n ee geen geld
Toch zoek ik kwaliteit, geen geluk da gauw vervelt
Dus hoe ajje da gezien
En wa stelde juste veuren?
Gaje 't gij arrangeren
of wa moet er nui gebeuren?
E?
(Refrein:)
A-ah.. eenzaamheid
O-oh... onwennigheid
A-ah... eenzaamheid
O-oh... en nervositeit
Ajje 't gij gepeist?
Gaje 't gij nui oplossen?
Wete 't gij miskien?
Of late gij mij omploffen?
A-ah.. eenzaamheid
O-oh... geen pietluttigheid
Eenzaamheid, pijn en lijden: een goeie samenvatting van de huidige tijden
Mo 't kan alson erger, da dè natuurlijk woar
Ik ken een mee één been en nen and'ren zonder hoar
Dadès al vree erg, zuk een leven es keihard
Moar uok zonder dadde bennek redelijk verward
Want hoe vallet te verklaren en wie gaat er dat uitleggen?
Ne pot zonder deksel valt er daar wa veur te zeggen?
Ik peis het nie, ee, dadès zelden gezien
In de wèreld van de kookkunst krijgde daarveur nul up tien
Dus waarom zoe 't anders zijn veur mijn concreet geval?
Ik misse compagnie en liefst een vrouwe, de es al
De reste es bijkomstig en bepaalt mijn leven minder
Ik belove een beloning veur den eerlijke vinder
Van een vrouwmens da 't zie zitten mee mij t'hope te leven
Miskien nie levenslang, laat oes proberen een maand of zeven
(Refrein:)
A-ah.. eenzaamheid
O-oh... onwennigheid
A-ah... eenzaamheid
O-oh... en nervositeit
Ajje 't gij gepeist?
Gaje 't gij nui oplossen?
Wete 't gij miskien?
Of late gij mij omploffen?
A-ah.. eenzaamheid
O-oh... geen pietluttigheid
(Bridge:)
A kik vrage komde eten
Es da nie veur dat eten
't Es em nie veur dat eten
't E veur ui
't E veur ui
X 6
Veur ui!
(Refrein:)
A-ah.. eenzaamheid
O-oh... onwennigheid
A-ah.. eenzaamheid
O-oh... geen pietluttigheid
|
||||
2. |
Alsan verward
02:46
|
|||
(Refrein:)
Alsan verward
Ge ziet het te zwart
Alsan verward
Vertrekt veur mijn part
(x 2)
Ik hoor 'et hele dagen van familie en van moaten
Ze maken ulder zorgen en ze zijn in alle staten
Waarmee zij gij toch bezig en wa zit er in ui kop?
Ui hele zieleleven è nen absoluten flop
Ge springt van ier naar daar, van den hak op den tak
Amme zeggen 'Doe toch vuert', zegde gij 't Es up 't gemak'
W'een 'et beste mee ui veuren, maar ge willet weer nie weten
Oezze goeie gouwie raad wild'in ui koppeke nie steken
Alsan verward, ja ik ben alsan verward (Verward!) (x2)
Alsan … verward …
Verward, verward
(Refrein:)
Alsan verward
Ge ziet het te zwart
Alsan verward
Vertrekt veur mijn part
(x 2)
Aan wa zitte gij te peizen, zeg ge kijkt zo uitgeblust
Vanwaar komt toch al die spanning, es ui geweten nie gerust?
En wa moen de menschen peizen ajje were van niet weet?
And're kerels èn succes, maar gij bezingt alleen ui leed
Just link da't al zo vree erg ès, niemand ee meer pech dan gij
Ge zijt ne grote sukkeloar, 'et goe leven ès voorbij
Zeg, zoekt ui toch ne manager, dat opent vree veel deuren
In de plekke van vuert te tsjoolen, want azo gaa't nie gebeuren
Alsan verward, ja ik ben alsan verward (Verward!) (x 4)
Alsan … verward …
Verward, verward
(Bridge)
Ajje peist da't al nieten inhoudt
Tun vergiste gij ui vreed
Werken, rappen, vrijen, peizen
'k Weet zelf nie meer oe da't skeet
Alsan verward
(Verward, verward)
Ge ziet het te zwart
(Te zwart, te zwart)
Alsan verward
(Verward,verward)
Vertrekt veur mijn part
Nui!
|
||||
3. |
Heel den tijd mijzelven
02:58
|
|||
(strofe 1:)
W'an ten achten avvesproken, mo ge stuurt nen sms
Ge gaat er were niet geraken, g'moet nog naar de avondles
Just link dajje da nie wist, gist'ren of de week teveuren
'k Moe ui hand toch nie vasthouwen veur uien agenda in te kleuren?
Zoe't meskien kunnen zijn daj'mij nui al wilt vergeten?
Up geen week en half es de liefde al gesleten
(refrein :)
Eek gelijk a'k zegge da't ui nie te veel kan skelen?
Eek gelijk a'k zegge da't geluk weer elders ligt?
Ge wilt meskien ne vent, maar daarom nie per se van Kaster
'k Kan ui maar mezelven bieden, voelt ui nie verplicht
Ik, ik ben ne rapper en ze noemen mij Steven H, ja
't Es uok maar ne name, pint ui daar toch nie up vast
'k Ben uok maar nen tsjoolder, 't è diezelfde Steven H, ja
dertig jaar ervaring in mijzelven zijn, heel den tijd
Ik ben mijzelven, heel den tijd mijzelven
Ik ben mijzelven, ui ben'k zeker nie
Ik ben mijzelven, heel den tijd mijzelven
Ik ben mijzelven, ui ben'k zeker nie
(strofe 2:)
W'an ten achten avvesproken, 'k wa d'r heel up ingesteld
Zeven andere afspraken a'k speciaal nog uitgesteld
Ma, 't ès al goe, doe maar ui goeste, 'k zal kik ier wel liggen creperen
Ga maar uit tot morgennuchtend en probeert ui t'amuseren
Ajje daar ui leute in èt, moej'ui zeker nie inhouden
Voelt ui jong en voelt ui vrij, link die tienduusd and're vrouwen
(refrein :)
Eek gelijk a'k zegge da't ui nie te veel kan skelen?
Eek gelijk a'k zegge da't geluk weer elders ligt?
Ge wilt meskien ne vent, maar daarom nie per se van Kaster
'k Kan ui maar mezelven bieden, voelt ui nie verplicht
Ik ben mijzelven, heel den tijd mijzelven
Ik ben mijzelven, ui ben'k zeker nie
Ik ben mijzelven, heel den tijd mijzelven
Ik ben mijzelven, ui ben'k zeker nie
|
||||
4. |
Een meiske mee nen bril
03:06
|
|||
(refrein :)
Een meiske mee nen bril, mee een modieus montuur
'k Ee ze lijk al kee gezien up 't feestje van uie gebuur
Azo een meiske mee nen bril, z'ee een modieus montuur
Een leeg glas in aar één hand en halv'lings leunen tegen de muur
'k Ga d'r al vanuit da'k in eenzaamheid ga sterven
Depogingen zijn d'r nog, maar geen succes meer bij 't verwerven
Van een vrouwmens da mij aansta, zeg, aan wat è da gelegen?
Mijn haar è toch gekamd, 'k ee mijn benoeming al gekregen
Vroeger wa'k te jonk en sebiet weer te versleten
Zeg, waar ligt juste die grenze, 'k een link nooit echt goe geweten
Geef mij nog een kanse, 't ga de eerste zijn da'k krijge
Da klink nogal pathetisch, 'k geef 'et toe da'k daar naar neige
Up den duur es 't moeilijk om de schijn nog up te houwen
Ik sta alleen in 't leven en 'k kenne veel te letter vrouwen
(refrein :)
Ik wil een meiske mee nen bril, mee een modieus montuur
Dienen bril mag ze ook afdoen, 'k ben nie vies van avontuur
Toch: een meiske mee nen bril, mee een modieus montuur
In mijn 'oofd zoe't een succes zijn, iets van redelijk langen duur
Courant, maar nie banaal: mijn simpel' wensen zijn gekend
't Moe nie per se een vamp zijn of nen omgebouwde vent
'k Ken kèrels die zwaar kicken up blonde vrouwen mee krullen
Groene ogen, grijze Porsche en een wedde mee vijf nullen
Mo dat ès overdreven, da wille kik zelfs nie
'k Willet redelijk simpel houden, geef mij maar een link dedie
(refrein :)
Azo een meiske mee nen bril, mee een modieus montuur
'k Ga mij nog wa moed indrinken en tun stelle'k mij naast haar tegen de muur
|
||||
5. |
Steven H Belgium
Rap in het West-Vlaams. Goudeerlijke teksten met plaats voor een lach en een
traan. Uitzinnige liveshows gebracht in maatpak. Dat is in een notendop waar
Steven H voor staat.
Streaming and Download help
If you like Steven H, you may also like:
Bandcamp Daily your guide to the world of Bandcamp